Servisio pa Atministrashon i Maneho di Tereno Públiko (Domeinbeheer) ta forma parti di Ministerio di Tráfiko, Transporte i Planifikashon Urbano.

Domeinbeheer ta e instansia di Gobièrnu di Kòrsou ku ta responsabel pa e siguiente tareanan klave en konekshon ku tereno, playa, awa, edifisio i otro propiedat inmóbil di Gobièrnu:

  • Desaroyo di maneho i instrumento pa atministrashon i maneho
  • Atkisishon di derechi
  • Maneho finansiero-atministrativo
  • Desaroyo i hasi ekplotashon posibel
  • Planeamentu tékniko di infrastruktura di plan di parselashon i guia tékniko pa hasi kavel/ tereno di Gobièrnu kla pa konstrukshon i bibienda
  • Pone propiedat di Gobièrnu disponibel pa konstrukshon òf kultivo pa medio di hür, èrfpagt, maneho òf benta
  • Registro di propiedat di Gobièrnu
  • Maneho i mantenshon di edifisionan di Gobièrnu
  • Inspekshon den kuadro di mantenshon di lei, i tambe supervishon i kòntròl di uso korekto di propiedat inmóbil, konforme obligashonnan preskribí den kòntrakt

Domeinbeheer ta responsabel pues pa pone tereno di Gobièrnu disponibel pa suidadanonan òf kompanianan por usa pa traha kas i pa metanan komersial i industrial, turístiko i agrario. Na nòmber di Gobièrnu di Kòrsou, Domeinbeheer, ta kobra usadónan di tereno di Gobièrnu èrfpagt òf hür.

Ademas, Domeinbeheer ta kontrolá tambe si tin okupashon ilegal di terenonan di Gobièrnu, i ta aktua kontra di esaki.

Ku otro palabra, Domeinbeheer su tarea ta pa sòru pa tereno pa un i tur. E manera sinembargo ku Domeinbeheer i kada siudadano ta anda ku e terenonan aki, semper bai mester ta na òrdu si!

Tereno-pa-tur-pero-na-ordu-si-logo

otrabanda

button.pages.formalisashonspace