Maneho Nobo

Minister di Tráfiko, Transporte i Planifikashon Urbano a hala un liña. A introdusí un Maneho Nobo i no ta tolerá okupashon ilegal mas. E Maneho Nobo aki di Sero Toleransia ta enserá ku ta tuma medida di òrdu den kaso di okupashon ilegal.

Pues:

  • ta stòp okupashon ilegal eksistente òf ta formalisá esaki den kuadro di posibilidatnan di lei, regulashon i maneho
  • tuma medida kontra kasonan nobo di okupashon ilegal

borchiAdemas ku mester stòp di okupá tereno di Gobièrnu ilegalmente, mester stòp tambe tur konstrukshon riba e terenonan aki.

Gobièrnu no ta tolerá ni formalisá konstrukshon nobo. Kasonan eksistente si lo por bin na remarke pa formalisashon.

‘Nulmeting’

Tin potrèt di satélite detayá ku a saka di tur sitio na Kòrsou, riba kua tur konstrukshon, kaya i tereno na Kòrsou ta registrá. E registrashon aki (yamá ‘nulmeting’) ta konta komo base pa distinguí kaso eksistente for di kaso nobo.

Prosedura di mantenshon di òrdu

 Asina konstatá kaso di okupashon ilegal, inmediatamente ta pone bòrchi pa indiká ku mester stòp tur akividat i trese e tereno den su forma orignal bek. Ademas, asina a determiná ta ken ta e persona òf organisashon responsabel, ta manda karta p’e tambe. Si apesar di bòrchi (i karta), esun responsabel no stòp, Gobièrnu por basha e konstrukshon abou.

Ku tempu Domeinbeheer lo por duna terenonan ku di e forma aki bira liber, na esnan ku hasi petishon na Domeinbeheer pa legalmente bini na remarke pa haña tereno di Gobièrnu.

ordu

button.pages.formalisashonspace