Okupashon Ilegal

Tereno pa tur, pero na òrdu si. Sinembargo, ta sosodé ku ta atendé ku tereno di Gobièrnu na un manera ku realmente ta for di òrdu. Esei ta e kaso ora ku okupá tereno di Gobièrnu den un forma ilegal.

Okupashon ilegal di tereno di Gobièrnu ta ora persona òf instansia ta okupá tereno di Gobièrnu sin ku e tin derechi legal pa hasi esaki. Un derechi legal por ta derechi di èrfpagt òf un kòntrakt di hür.

Kategorianan di okupashon ilegal

Ta okupá tereno di Gobièrnu den forma ilegal pa diferente meta:

Pa konstrukshon:

  1. lanta konstrukshon pa bibienda òf pa uso komersial

Pa otro meta:

  1. koba greis òf otro materia prima
  2. kue awa pa por ehèmpel usa den pisina
  3. basha sushi stail di landfill
  4. amplia playa
  5. pa kultivo i plantashon
  6. pone kònteiner/ kiosko riba e tereno
  7. pone billboard i material di propaganda riba e tereno

Konsekuensia di okupashon ilegal

Okupashon ilegal ta algu sumamente serio, ku konsekuensia serio pa pueblo. Tereno di Gobièrnu ta tereno di pueblo, i e persona ku okupá tereno di Gobièrnu den forma ilegal, a perhudiká pueblo, i asta su mes!

  1. E aktitut aki ta kastigabel i hustisia por persiguí esun ku hasié
  2. Pueblo ta pèrdè su pertenensia
  3. Si tin falta di kòntròl ta baha norma i balor di pueblo, pasobra aktitut malu ta parse aseptá
  4. No ta kumpli ku EOP (Eilandelijk Ontwikkelingsplan) ku konsekuensia negativo
  5. Ta stroba desaroyo ekonómiko i desaroyo di plannan pa traha kas
  6. Lista di espera pa tereno na Domeinbeheer ta kana skeins i ta resultá den desigualdat
  7. Siudat i bario ta haña mal struktura
  8. Desaroyo di tereno ta bai den forma deskontrolá
  9. Repartishon di tereno ta bai den forma ku no ta kumbiní
  10. Trahamentu di kaya, ponementu di pipa pa awa, koriente i telekomunikashon ta bira mas karu
  11. No por hasi trabounan di mantenshon di infrastruktura
  12. Gobièrnu ta pèrdè di kobra èrfpagt i impuesto pa tereno
  13. Bashamentu di sushi tin impakto negativo riba medio ambiente
  14. Bashamentu di sushi tin impakto negativo riba salú di hende i ta subi e gastunan
  15. Kobamentu di greis ta okashoná eroshon i ta daña bista
  16. Mal struktura i mahos bista tin mal efekto riba turismo
  17. Ampliamentu di playa ta daña forma di Kòrsou
  18. Ampliamentu di playa ta kambia direkshon di laman i ta afektá otro playanan
  19. Ampliamentu di playa ta daña sierto tipo di koral
williwood

button.pages.formalisashonspace