Optimalisashon

Domeinbeheer ta traha duru pa mehorá su servisio i produktonan, pa asina kumpli mihó ku nesesidat di pueblo.

Proyekto

Den e kuadro aki tin vários proyekto ku ya a inisiá:

  • Ta traha 134 kas sosial na Sapaté, Montaña ‘Bou, Tera Kòrá, Barber i Bonam, huntu ku Ministerio di Desaroyo Sosial, Labor i Bienestar i Fundashon Kas Popular
  • Kompanianan grandi desaroyadó di proyekto ku den koperashon ku Gobièrnu a base di Public-Private Partnership (PPP) ta konstruí kas pagabel
  • Tin proyekto PPP den ehekushon kaba na Tra’i Seru, Santa Catharina, Sapaté i Montaña ’Bou

Tin otro proyekto tambe ku pronto lo keda realisá:

  • Kompania chikí desaroyadó di proyekto den koperashon ku Gobièrnu a base di Public-Private Partnership (PPP) lo konstruí kas modesto
  • Lo konstruí kas ku por keda ampliá den futuro na Sapaté – fase III
  • Lo konstruí kas a base di PPP na Montaña ’Bou fase II i Bonam riba 85 kavel
  • Lo konstruí 110 kas na Sapaté pa hendenan di edat 55+, ku bista riba futuro: aksesibel pa ‘rolstoel’, posibilidat di kuido, nivel di siguridat haltu

Lista di Espera

Ta trahando duru pa por duna mas tereno den futuro. Pa logra esaki, ta trahando pa atendé na un manera mas efisiente ku e lista di espera di esnan ku a yega di hasi petishon pa haña tereno di Gobièrnu:

  • Ta hasiendo e lista di espera di tereno up-to-date
  • Ta bai introdusí un sistema dinámiko di atendé ku e lista di espera ku lo hasi posibel pa duna tereno di un forma aselerá
handelskade

button.pages.formalisashonspace